Ms BIU Santé n^o 2007, f^o 199 v^o.

Cl. viro D. Seb. Scheffero, Med. Doctori, Francofurtum.

Postremas tuas accepi, Vir Cl. à quibus sum mirum in modum recreatus.
Tuæ uxoris affini, quam ex animo saluto, reddidi tuam Epistolam, et summam à Te
definitam obtuli, de qua dumtaxat 18. libellas Turonenses accepit : six
escus : quod superest de summa, mihi reliquit, alia vice repræsentandum : quod
bona fide exequar : promisit quoque se mihi pro Te allaturum responsoriam
Epistolam. Seb. Switzer est mihi notissimus, vir optimus et certæ fidei : qui
haud dubiè mihi reddet quidquid à Beyero acceperit : Fidem ejus admodum
laudo, et Beyerum saluto, eiq. gratias ago de oblatis, quæ nondum vidi. De
nova Editione libri de Medicamentis Officinalibus, utinam brevi compos fias :
ejus Errata Cl. Authoris Manuscripta non dubito Te accepisse. Nihil à Te