Correspondance complète de Guy Patin et autres écrits, édités par Loïc Capron. Autres écrits : Consultations et mémorandums (<span class="ptmaj">ms BIU Santé 2007) : 3, note s.

Autres écrits : Consultations et mémorandums (ms BIU Santé 2007) : 3, note s.

Transcription

Ms BIU Santé 2007, f^o 237 r^o.

~~Dilucidè~~ Eleganter et atq. graphicè admodum morbi idæam
declarasti, vir clarissime, adeo ut nulli dubium esse
possit, quin affectus ille gravis, quo conflictatur
honestus adolescens, epilepsia sit : certa sunt et
manifesta illius signa, quorum recensione supersede-
mus, cùm illa tibi apprime innotescant. Causa
hujus affectus, ~~est~~ vapor est adeo malignus, ut auræ
venenatæ nomen mereatur, qui ad cerebrum repens,
ejus meninges vellicat, et paroxysmum excitat.
Sed prima mali labes in nutritiis visceribus delitescit, quæ
multa sordent eluvie : ^ unde exspi-/ratio gravis sursum/ effertur ad morbum fovet intemperies
præcalida ac præfervida hepatis ab incauta victus ratione
quâ antehac usus est adolescens ille ; augentur etiam
et in posterum augebuntur, nisi maturè sibi prospiciatur,
ejusd. morbi symptomata, ab organo sanguinis multa
bile f suffusi, à quo metus est ne cerebrum tandem
opprimatur, fiátq. æger tuus Libitinæ quæstus
acerbæ. Remedia expugnando affectui idonea ea sunt
quæ curasti sedulò administrari, ut non possimus non
laudare consilium tuum : monebimus tamen difficilis
curationis fore hunc affectum, quod cerebrum ista labe
tactum nonnisi ægrè possit restitui pristinæ valetudini,
nisi multa manu medica Phœbiq. potentib. herbis
citò et diligenter admoveantur. Tecum itaq.censemus
statim solvendam esse 2 plenitudinem 1 illam impuram, qua majora
vasa inter alas et inguina posita distenduntur,
sanguinis missione ter quaterve repetita ex utraque
basilica : dein deveniendum erit ad utriusq. saphenæ sectionem :

Imprimer cette note

Citer cette note