BnF ms latin 10352‑II, fo 81 vo
Arthritide Fr. Vander Mye quæres quando licebit per otium
et hoc fiat rogo, sine ullo tuo incommodo. Vidi Simplicium
Verium, in posthumum Grotij scriptum : imò Ill. Salmasiusm
ipsum agnovi prima libri pagina. Legi totum, et ut debui
probavi, nec aliud nisi probandum meliorisque notæ prodire
potest à tanto viro, quidquid ineptè, ne dicam diabolicè adversus
eum debacchentur atque effutiant Loyoliticæ cohortis nebulones
mendacissimi. Sed posthumus ille Grotij liber nondum hîc ad
nos delatus est, ut nec ad eum responsio Clar. Riveti : et
utrumque opus hîc in dies ab eruditis expectatur utriusque
factionis. Controversiam de Eucharistia, ab authore Excell.
Samalsio definitam, et curiosam et difficilem avidè sanè perle-
gam, et utinam illa brevi prodeat. Nisi fata præpropera nobis
invidissent ante annos 32. Illustrissimum Casaubonum jamdiu
habuissemus accuratissimum tractatum de Eucharistia veterum,
quem, dum eum haberet in manibus, mors præveniens nobis eripuit.
Illius jacturam nobis resarciet, et spero, imò et cum fœnore
reparabit Clarissimus Salmasius, cui prosperam valetudinem, et
multorum annorum adjectionem animitus voveo atque exopto.
Et utinam suæ de Eucharistia quæstioni subjicere vellet quem
penes se habet perfectum et absolutum (quod olim ipse mihi
narravit) de lepida illa tot Monachorum et Sacrifiendorum nutrien-
da, imò de fictitio illa fatuorum et penè delirorum παπομανουν-
των μορμολυκειω, nempe de Igne Purgatorio tractatum : ut et
commentariolum de vitæ monasticæ origine, quem pollicetur in
suis Notis ad Tertullianum de Pallio. Facerent ista plurimùm
ad retundendum fastum tot nebulorum superbè obambulantium,
qui nihil aliud sunt in orbe nostro quàm meri hypocritæ, et
inutilia telluris pondera. Utinam bonorum virorum optimo et
Doctorum eruditissimo DD. Io. Gera<r>d. Vossio, tot annos lectioris
vitæ concedat Omnipotens, quos ei sufficient ad completam tot
egregiorum operum quos penes se habet editionem : illiusque familiæ
bendicat, quam audio omni laude, omni gratia, omni favore
dignissimam : nec unquam rebus humanis eximatur Illustrissimus
