Ms BIU Santé 2007, fo 242 vo.
De nephretico dolore qui multiplici venæ sectione, plurib. enematis,
fomentis et balneo conquievit, iam non ago, sed de cruenta illa deiectione
coercenda cogitandum esse censeo, ne tandem nimia evadat, virésq. iam
satis ex sup superiorib. morbis debiles et infirmas, omnino deijciat atque
prosternat : censeo itaq. ratione imbecillitatis virium, et propter absentiam
indicantis, venæ sectioni parcendum esse : enematis item, præsertim crebris,
ne plus æquo moveatur alvus ; sed trib. continuis dieb. bis per diem,
mane nimirum et sero, hauriendum esse potum confectum ex aquæ planta-
ginis, ℥iiij. in quib. dissolv. syrup. cydonior. ℥j. cum boli armenæ Ӡß.
quo levi adstringente nimius ille fluxus compescatur : postea vir clariss.
utetur opiata adstringente et purgante ex catholic. duplic. elect. lenit.
an. ℥j. mannæ calabr. ℥ß. pulv. rhei Ӡjß. cum syrup. de cichor.
compos. cum rheo ℥jß. de qua sumet ℥j. mane, trib. horis ante iusculum ;
sequenti die ad lac asininum se conferet, eóq. per xv. dies utetur ; quo
derelicto, caprilli lactis usus usq. in alterum mensem erit saluberrimus.
Interim parcè vivat, paucis iusculis, ovis recentib. gelatina, cydoniato,
vel vinóq. lymphato contentus : ab omni gravi motu abstineat, et immo-
dicis animi pathematis sibi caveat.
Hæc consulebam cum D. Brayer, Med. Paris.
pro D. de Hurles, 27. Dec. 1630.
