Ms BIU Santé no 2007, fo 92 vo.
Medicastri, relicta uxore, quæ res suas aliter agebat, secessit in
Poloniam, quasi illic accersitus à Regina, quæ gente Galla est : ubi
conseruit, in hujus Operis confectione : nunc enim si adhuc vivit, annum.
ætatis superat 70. parum vel minimè versatus in operibus artis,
quam numquam intellexit : adde quod Latinè nescit, nec loquitur,
balbutit dumtaxat, et quantum licet, ne detegatur ejus inscitia,
fugit eruditorum consortium : habeo itaque pro certo, eum aliena vitula
arasse, et alieno calamo usum esse in hujus libri editione. D. Stevartum
saluto, si apud vos fuerit. Vale, Vir Cl. et me ama.
Tuus ex animo Guido Patin.
Parisijs, 7. Nov. 1660.
Ecce iterum scribo ut Te rogem, ne mihi emas neq. mittas
librum D. de Girac adversus Costardum, neq. Epistolas doctorum viro-
rum quæ excuduntur apud Dominum Blaeu : amicus quidam meus
utrumque mihi pollicitus est : ille est per quem ad Te scribo ; et per
eamdem viam si volueris, rescribes quum licuerit. Interea, videbo et alloquar D. Petit, pro tuo Aretæo MS. Vive, vale, et me ama.
Tuus ex animo Guido Patin.
Parisijs, die Veneris, 12.Nov. 1660.
