Page 113, Ioan. Pecqueti Diepæi Doct. Med. Monspeliensis
Nova de thoracicis lacteis Dissertatio.

niten. Quod si ultramodum, cum jecoris de-
bilitate, tum assiduo rubescentium ejusmodi aqua-
rum effluxu, cholidocorum pororum meatus etiam
præbeant iis transitum humoribus, certum est, ut in
intestina effusio futura est, ita etiam fluxum produ-
ctum iri, cui hepatici vocabulum indiderunt.

Secundo modo potest etiam in extremis ad me-
senterium splenem-ve ramulis fieri portæ obstructio :
quidni ? si ad introitum, ut supra monstratum est
aquæductus obturari possit, et pariter exitus obfar-
cinari : ac tum si nequeat impulsus continuo cœlia-
cæ arteriæ nixu sanguis in portæ ramusculo transi-
tum reperire, in debilitata caloris, quem jecur in-
validum habet, defectu intestina quidquid est se-
rosius in sanguine et fluidius refundere poterit, eó-
que cum excrementis admixto hæmorrhoën loturæ
carnium similem producere ? hepaticus pariter fluxus,
et si minùs propriè, dicetur hoc pathema, nisi mix-
tæ cum sero illo bilis acrimonia arteriarum corrodat
extremitatem et internam intestinorum tunicam ;
nam ea circunstantia verteret in dysentericum.

Potest idipsum ex radicum portæ in concava je-
coris parte obstructu contingere, impedito sangui-
nis, quem cœliaca arteria continet, refluxu ; sed in
hoc casu splenis dolor est tumór-ve : nempe jecoris
obstructiones, sive in ejus substantia condensentur,
sive in vasculis quæ multiplicia habet, obstipentur,
etiam spleni obstructionem afferunt seu tumorem.
Cum enim nequeat in jecur vena splenica exonerare
se, cogitur in splenem impulsus ab arteria splenica
sanguis in eodem consistere, et eum quantum qui-
dem sinit tunicæ capacitas distendere : ac tum si de-