compertissima habeatur.
Gaudeo igitur, ex animo gaudeo, Medicinæ
primùm caussâ, quam novo locupletasti invento, et
quo quidem egebat ; quippe quæ fædè jacuerat in
scholis oppressa gravi sub Magistrorum supercililo ;
et amici deinde nomine, qui tam felix fuit, ut rem
adeo utilem primus invenerit.
Perge, quæso, investigare, perscrutari, et tene-
bris quæ desiderantur adhuc eâdem quâ cœpisti fe-
licitate in lucem eruere ; nec ne terreant lividorum
quorumdam senum minitanti murmure fulmina ;
sed eò magis acrem virtutem irrita animi, confrin-
gere ut arcta Naturæ primus portarum claustra cu-
pias, et referas nobis victor, quâ ratione corporis
nostri machina moueatur : exæquabit te victoria
cælo.
Nihil humano generi, secundùm animi tranquil-
litatem, quæ vera pietate comparatur, utilius bona
valetudine ; cùm non sit vivere, sed valere, vita : At
bonam istam valetudinem quî tueri quis poterit et
conservare, nisi rectè primùm teneatur quibus in re-
bus consistat ? quî reparari semel amissa valebit, nisi
probè cognita fuerit corporis nostri compages ? si
quis igitur exoriatur Democritus alter, qualem te
præstas, Amice, qui sine ambagibus, experientiâ du-
ce, mathematicarum disciplinarum famulante soler-
tiâ, rationem ostendat quâ cibus in chylum, et viam
aperiat, quâ chylus in sanguinem mutatur ; doceat-
que viscerum, et partium singularum ministeria, san-
guini defæcando, carnibus reparandis, salibus depo-
nendis, fermento conficiendo, semini præparando,
spiritibus perficiendis, sensuum facultatibus exeren-