Caput iii.
De Doctorum Parisiensium testimoniis. Candidè illi
scriptis ad Pecquetum epistolis Lacteas Thora-
cicas probarunt ac commendarunt. Defenduntur
Epistolæ adversus Riolani censuram, quæ ad-
versa rationi et experientiæ sponte corruit.
Quamvis clara probatione non egeant {a} aut
testimonio, neque alterius authoritate
adducatur quispiam ut credat quod vi-
det : Nihilominus adeò imperiosè ani-
mos sibi mancipat opinio à teneris annis
radicitùs infixa, ac longâ sæculorum memoriâ firma-
ta, ut rationis ac sensuum authoritatem facilè in-
fringat, ac pro arbitrio torqueat.
Quo semel est imbuta recens servabit odorem
Testa diu.
Tanta vis est consuetudinis, ut deterioribus alimen-
tis innutritum corpus, satim meliora non ferat, ipsá-
que lux, tam grata alioqui atque optanda, repenti-
no influxu non assuetos oculos occæcet. Quod cum
animadverteret Pecquetus, antequàm nova chyli con-
ceptacula Lutetiæ à se primùm inventa in lucem ede-
ret, Doctores duos Parisienses sibi familiares ad mi-
rum istud ac veris Philosophis dignum spectaculum
invitavit, ut illorum testimoniis certior experientiæ
fides constaret. Illi itaque observatâ evidentissimè,
atque oculatis manibus, canalium Pecquetianorum
- Sic pour : careat.