Page 198, brevis destructio responsionis riolani, auctore hygino thalassio.

quetiani experimenti laudatores traducere, qui Mo-
ræum et Patinum præstantissimos facultatis Parisiensis
Medicos etiam insectatus est ob epistolas ad Æmi-
lium Parisanum scriptas. Aut nunquam, inquit, ipsius
Authoris opera legisse verisimile est, aut suam ignorantiam
in ea re patefacere, de judicio posteritatis securi. In spongia
alexiteria advers. Æmil. Paris. Anthropograph. pag.
856. Et pag. 858. sic respondet Parisiano. {a} At Doctor
Parisiensis præclarissimus suis versibus inter illustres Ana-
tomicos ipsum Riolanum non accensuit. Nemo Propheta
in patria sua ac præsertim inter Medicos, quoniam inter
mendicos regnat semper invidia quam expertus sum in majo-
rem à quibusdam sycophantis et temulentis. Et infra, in
hac urbe Medicorum imperium inveni divisum in factiones,
ægris valde perniciosas, dum prævalens praxeos manceps alio-
rum animos flectit et ad se convertit, in odium et sæpe lu-
dibrium alterius Medici Docti, probi, senioris, aliter opinan-
tis. Sic animas hominum negotiantur Medici. Ita de suis
collegis loquitur Riolanus, quibus non æquior est
quàm exteris. Ita medicorum Parisiensium famam
posteritati commendat, ita ulciscitur exprobratum, ut
ait, nominis sui contemptum in urbe Parisiensi. Isti autem
versus, quod illi Parisanus objecit, in aditu operum
Laurentij leguntur.

Fallopium Patiavina colit, Romana Columbum ;
         Germana Albertum ; Flandria Vesalium ;
Bauhinum Basilea ; suum Veneti Parisanum ;
         Bœteica Valverdam tollit ad astra suum.
Pauvium habent Batavi, stat Sylvius in Parisina ;
         At te, Laurenti Gallia tota tenet.

Dom. Guidonem Patinum, hujus elegantis epigram-
matis Authorem, sic excipit Riolanus in opusculis

---

1. Sic pour : Parisanum (Errata).

---