Page 202, brevis destructio responsionis riolani, auctore hygino thalassio.

Procul dubio igitur intellexit auctor hujus episto-
læ novas animantium perfectorum species in natura
non generari, ut neque in eorumdem animantium
structura novas partes, quæ novam quoque speciem
constituerent. Rationem reddit firmissimam. Quo-
niam natura æterna atque immutabili legi addicta est, cujus
perpetuò exemplar imitatur, ideo novas animan-
tium aut partium species hisce temporibus non fa-
bricatur : sin autem aliquando aberret, dum insoli-
tas quasdam partes in monstris progignit, illæ non
perennant ; At lacteæ thoracicæ in omnibus perfe-
ctiorum animantium speciebus semper observantur.

Addit censor intercisa quædam secundæ hujus
Epistolæ verba. Hoc invento nobis exprobare videtur na-
tura præposteram de ea ex nostris cogitatis arbitrandi consue-
tudinem. Quæ mox ita carpit censor. Post istos lau-
datores quis non proclameret Pecqueto tanquam novo
Medicinæ conditori

                     Tibi lilia plenis
Ecce ferent Nymphæ calathis, etc.

Ante verò pag. 141 suæ responsionis scripserat novam
medendi methodum condi oportere ab iis, qui ejus libellum appro-
barunt. Quis præter Riolanum ex allatis epistolæ ver-
bis, ut ex toto illius contextu, tam aliena ab autho-
ris mente, atque etiam ab ipsa rei veritate inferre
potuisset ? Nihil commendat hæc epistola præter Ex-
perientiam rerum magistram, αυτοψιαν, et naturæ in-
spectionem : nihil laudat in invento Pecquetiano præ-
ter Chyli receptaculi, et Lactearum Thoracica-
rum hyparxin. De usu inventi ne verbum quidem
facit, ut neque de Hepatis funeratione. Prævidit
quidem et soluit per antecessum potiora argumenta