Page 221, brevis destructio responsionis riolani, auctore hygino thalassio.
dis, hanc tamen rei necessariæ non defuisse, et bilio-
sis inquinamentis cor non obruisse, absque alia ulla
ratione, certissimum ac firmissimum nobis esse de-
beret.Nihilominus etiam clarissimè patet in chylo Tho-
racico falsò sordes supponi, iis enim in alvina regio-
ne repurgatur, quas non solùm in intestinis relinquit,
cum per eorum tunicas transcolatur, sed etiam in
pancreatis bibula substantia, {a} in qua miris anfractibus,
ac quibusdam veluti capreolis, ac reticulis lacteæ
implicantur ex Asellio. Pancreatis candor insignis,
ac substantiæ modus, inquit idem, arguunt cœno-
siorem et crudiorem chyli partem in se combibere ;
ut placenta uteri {b} quod in materno sanguine fœcu-
lentum est absorbet. Id docuit ipse Hippocrates, lib.
de glandulis. Glandulæ, inquit, in intestinis majores sunt
quam alibi in corpore et expressam ex intestinis redundan-
tem humiditatem depascuntur. νεμονται αι αδενες εν τοισιν
εντεροισιν εκπιεζομεναι τον πλαδον. Tot filtra itaque arti-
fex natura ita formasse credi debet, ut defæcatissimum
et purgatissimum chylum cordi appararet. Igitur cum
crassior et impurior chylus statim, ut initio dixi, diver-
tatur in mesaraicas, ut in hepate excoquatur ac biliosis
excrementis liberetur. Tenuis, qui purior est et proxi-
mè ad naturam sanguinis accedit, à quo fermè solo can-
dore discrepat, tantisper in receptaculo veluti ad di-
gestionem asservatur, antequam ad subclaviarum
ostia sursum emicet ; et dum ab intestinis ad cor va-
rios torquet ac corrigit flexus ac longa fertur regione
viarum, suo ac partium vicinarum calore attenuatur,
elaboraturque magis ac magis, tandémque sanguini
permixtus illius miscellâ adhuc excoqnitur {c} antequam
- Note marginale : Sordities chyli ibi coacervatur ex Riol. Encheirid. anat. l. 2. c. 19. pag. 153 (sic pour : pag. 112).
- Sic pour : placenta seu iecur uteri.
- Sic pour : excoquitur (Errata).
