Page 228, brevis destructio responsionis riolani, auctore hygino thalassio.

Pag. 153. Si extant in brutis non sequitur reperiri in homine,
nisi hominem vivum secueris, nunquam invenies istas venas
lacteas cum receptaculo chyli.

Contrà in eadem pagina ultima linea, id conabor in
hominibus supplicio addictis et genialiter pastis ac saturis obser-
vare, mox à strangulatione apertis, si liceat per judices et con-
fessarios cruciarios lautè alere.

Idem etiam pag. 169. et 170. vult in hominibus
portionem chyli per lacteas effusi in cavam urinas
lacteas reddere, et superficiem albicantem in superficie
sanguinis vasculo excepti concretam pro chylo intra venam
cavam corrupto ostendi. Vide etiam pag. 188. respons.

Denique pag. 218. in Admonit ad Guiffartum, qui
scripserat, sæpius in cadaveribus humanis observatum est
magnam chyli corrupti copiam à receptaculo intra viscerum
spatia profusam, quam ob similitudinem decepti medici ar-
bitrabantur pus esse quoddam liquidius, ideóque abscessum aut
vomicam per omnes abdominis partes frustra perquirendo,
tempus consumpserunt. Sic Riolanus Respondet ; istam ob-
servationem laudo : addo ex insertione illarum venarum
lactearum ad truncum cavæ iuxta emulgentes nonnun-
quam urinas fluere puriformes, sine ullo renum aliorúm-
que viscerum præcedente ulcere, interdum etiam per intesti-
na eadem purulentia lactiformis effluit vel sincera vel ster-
coribus permixta sine ullo dolore intestinorum, quæ reputatur
manare à mesenterio ulcerato et abscessum passo. Cum tamen
procedat ab ista collectione chyli in magna glandula mesente-
rij, et in venis lacteis, qui in eas partes protrusus fuit, idem
in thorace contingere potest ruptis istis tubis chyliferis, quod
est funestum, ut in ruptura earumdem venarum lactearum
in abdomine, nisi venæ illæ lacteæ exarescant, ad sistendum
fluorem continuum chyli, atque vacuata fuerit purulentia