Page 177, ioannis riolani responsio ad experimenta nova anatomica.

remedia. Propterea nouam medendi me-
thodum inuenire, et condere necessum est ;
Nam si Hepar non sit hæmatoseos off
na, frustra corruptiones massæ sanguineæ
repetuntur ab hepate, frustra laboratur in
eius correctione, et expurgatione, frustra
accusatur Hepar, author hydropisis, ex fru-
strata sanguificatione, frustra in profluuio
Sanguinis recurritur ad Hepar tanquam
ad fontem Sanguinis, eique adhibentur
remedia. Turpiter hallucinatus est Hip-
pocrates, cum sanitatem, et integritatem
partium corporis florenti iecori tribuit.
Ipsemet Aristoteles etiam deceptus fuit, et
contra suam opinionem scripsit, iecur ad
temperiem sanitatemque corporis pluri-
mum conferre, quia finis est eorum, quæ
sunt in Sanguine, et omnium viscerum
excepto Corde refertissimum. Desipiebat
adhuc, cum asseruit naturam excremen-
torum receptacula iuxta iecur apposuisse,
ut genitus Sanguis ab humoribus excre-
mentiis expurgaretur, qui innoxie ad
Cor deferri non poterant. Delirabat Are-
teus, quando scriptis prodidit, quanto ad
sanitatem iecur melius est, tanto deterius
à morbis afficitur. Si lien parem habet
vsum et officium cum iecore ad expurga-
tionem massæ sanguineæ sugendo acidi-
tatem, nullatenus ad sanguificationem