Page 14, thomæ bartholini de lacteis thoracicis historia anatomica.
icone expressa. Putabam autem, siqvidem in tanto vi-
vi animalis motu et extremo torturæ conatu, citius pere-
ant vasa lactea, et ego aliàs in hominibus strangulatis ob-
servaverim lacteas venas superstites, successurum qvoqve
exprimentum, si vel animal post pastum aliqvot interje-
ctis horis celeri chordâ strangularetur, vel homo cruci de-
stinatus post largius jentaculum suffocatus aperiretur,
qvia tum thoracis motu cessante inhibitâ respiratione e-
odem situ permanent humiditates distributæ, nec à dolo-
re secantis facilè moventur. Meditato consilio optatus e-
ventus adspiravit, plurimisqve in canibus factis experimen-
tis, humana tandem cadavere {a} ex voto publico, Serenissimo
Rege friderico iii. clementer annuente, rotæ alio-
qvin et perpetuæ cruci adjudicata beneqve pasta, nacti in
singula accuratius tam in publico Theatro Anatomico
solenni demonstratione, qvam privata opera, tanto ma-
jori studio inqvisivimus, qvod primi hæc in homine ten-
taverimus. Primum cadaver infanticidæ fuit, furis alte-
rum, illus macilentum vixqve ossibus hærens, hoc obœ-
sum planeqve omnibus numeris sanum. Utrumqve qvinqve
ante interceptum spiritum horis cibo vinoqve, fuit ad sa-
tietatem repletum, in primo lacteas mesentericas et thora-
cicas chylo repletas invenimus, in altero verò ne chyli in
vasis illis vestigium usqvam visum, nec tamen spe frustra-
ti aut exspectatione ; comparebant enim in mesenterio
glandulæ lumbares, et in thorace ductus chylo destinati,
qvos ea facilitate eruimus qvo superiores loco nobis et
- Sic pour : cadavera.
