Page 16, Ioannis Riolani Responsiones duæ.

tioni eorum, vt non inueniat homo opus, quod ope-
ratus est Deus ab initio vsque ad finem : inquit Sa-
piens Ecclesiast. cap. 1. et 3. Multa sunt in cor-
pore, quorum vim rationémque perspicere nemo,
nisi qui fecit, potest : ait Lactantius. Hæc est vtili-
tas occultorum operum Dei, ne propterea vilescant,
ne comprehensa mira esse desinant. Itaque nullus
vnquam obliuiscatur se esse hominem, neque Deo
det insipientiam, si non plenè capiat eius sapien-
tiam : ait D. Augustinus.

Contentus fuit Pecquetus monstrasse suum
Receptaculum, Venas lacteas Thoracicas ad
axillares protensas. Inde concludit, Cor solum
hæmatoseωs organum, iecur inutile, bilis solius co-
latorium et reconditorium, atque pistillum succu-
tiens receptaculum Chyli et Venas lacteas. Docto-
res duo Parisienses, Pecqueti Discipuli, id pro-
bant authoritate Aristotelis, qui vegetantis et
sentientis animæ communem sedem statuit in
Corde, ibi sanguinem elaborari, et semitam tra-
ducendi Chylum ad Cor, Pecquetum ingenio-
sissimum et felicissimum, per Metempsychosim
genio et ingenio Aristotelis animatum, depre-
hendisse. Nec aliam rationem neque authorita-
tem producunt. Fateor hoc ab Aristotele, variis
in locis, et præsertim cap. 4. lib. 2. de partibus
animalium pronunciatum, sed perperam intel-
lectum ; Nam ipse constituit Cor primum gene-
rari, eius rudimentum repetit à sanguinis gutta,
vt in ouo conspicitur, ex qua formatur Cor :
Dein Iecur ex alia gutta affluente ad Cor, ita
vt Iecur ab ipso Corde dependeat. Id probat
Haruæus, lib. de generat. animal. cap. 50. In hoc