Page 23, Ioannis Riolani Responsiones duæ.

in omnes partes aluinæ regionis, non colligitur
et separatur in parte aliqua, vt Chylus qui ela-
boratur in Hepate. Vt ostendat suam peritiam
Anatomicam, vel potiùs imperitiam, disputat de
officio partium aluinæ regionis, de quibus ni-
hil dixit Riolanus, vt omnibus examinatis ve-
niat ad Pancreas, ad quod notat Lymphas Bar-
tholini deriuari, et inde captat occasionem de-
scribendi vasa Lymphatica, cum adulatione
summa Bartholini, vt istum habeat sibi fauen-
tem : Vndique sibi quærit canes qui Riolanum
allatrent.

Pag. 115. Quàm ridicula et faceta vasorum
Lymphaticorum Bartholini detectio et descri-
ptio, à Pecqueto facta ! Diffissa viuentis aluo mea-
tus exquiro Lymphaticos. Hi trunco Venæ Portæ
hederaceo more suffulti, statim auidissimis accer-
sitorum ad spectaculum amicorum oculis exhibent
sese, ac tum encomiis æternæ dissectoris Bartholi-
ni memoriæ decantatis. Quis non rideat istas mi-
rabiles acclamationes de re nullius momenti,
de flagellis siue filamentis quibus Venæ Portæ
truncus firmatur supra paruum Hepatis lobum
mollem in homine. Si non fuisset Bartholinus
Lutheranus, ahud dubiè Pecquetus, cum suo
ministro Eleemosynario Agathensis Episcopi,
Te Deum laudamus decantasset, propter reper-
tas istas Venas Lymphaticas. Isthæc aqua, quæ
reperitur supra superficiem carnium per vni-
uersum corpus, vel est excrementum tertiæ co-
ctionis, vel ros sanguinis per diapedesim è Ve-
nis exsudans ad nutritionem partium. De
ista Lympha disputaui contra Bartholinum.