Page 29, Ioannis Riolani Responsiones duæ.

Pag. 126. Non satis hoc loco mirari possum ob-
iectionum Riolanicarum leuitatem. Crudus, in-
quit, indigestusque Chylus ex variis eduliis con-
flatus, ad subclauios ramos Venæ Cauæ deductus,
Cordi diditur, etc. Aliud est loqui de toto Chylo
ascendente ad Cor : aliud est loqui de portiuncula, quæ
intrusa Cordi inseruit ad fermentationem. Ergo
fatetur Riolanus Chylum crudum, indigestum-
que ad Cor peruenire. Quam fatuus es, quod de
particula Chyli dictum est, ad totum Chylum
referre ascendentem ad Cor, vt vertatur in san-
guinem.

Eadem pag. Quæro à te mi Riolane, an iste Chy-
lus deponat per Ventriculum dextrum in pulmo-
nem suas sordes, vel secum deferat in sinistrum ven-
triculum Cordis ? Particula illa Chyli hærens
Cordis dextro ventriculo, scrobiculis et fila-
mentis irretita, potest aliquam moram et ela-
borationem suscipere, et cum alio sanguine post-
ea effluere. Et sic excepta, erit non totus Chylus
qui celeriter præterfluit : Loquitur Riolanus de
portione Chyli, non de toto Chylo : et semper
dubitando proponit vbique, forsan addendo,
dum quatuor vsus assignauit.

Pag. 127. Scribis Chylum in Corde, dumta-
xat in emunctoriis expediri posse, sero nimirum
in renibus, pituita in cerebro, bile aut amaritu-
dine in Iecore, Lympha in Pancreate, fæcibus
seu melancholico in Liene excremento. Ergo
cerebrum erit emunctorium istius Chyli in Cor-
de confecti ; Lympha in Pancreate, et tamen
hæ Lympha cùm sit excrementum sanguinis,
refluit ad Cor per Lacteas Thoracicas. Quàm