Page 54, Ioannis Riolani Responsiones duæ (1655).
3. Ad Pecquetianos.

Meritò iactare potes more Italico, gli ho fatto
la fica soto il Mantello, nam in auxilium tuis
fallaciis et offuciis Mantellum adhibuisti, vt
loquar cum Plauto : sic Dares Entellum prouocat,
Troïlus Achillem. Quoniam conuitia spreta exo-
lescunt, si irascaris agnita videntur, abstinuis-
sem ab ista Responsione aduersus illam Dispun-
ctionem adeo insulsam et puerilem, nisi abster-
genda forent conuitiorum plaustra in me con-
jecta, quibus Medici duo Pecquetiani, proh do-
lor ! Medici Parisienses, me collulutarunt. At
nunc

Serpentum maior concordia, quo nemore vnquam
Expirauit aper maioris dentibus apri,
Indica trigris agit rabida cul tigride pacem
Perpetuam, sæuis iter se conuenit vrsis.

Attamen eiusdem Scholæ duo longè inferio-
res ætate et doctrinâ in Anatomicis, impuden-
ter Riolano, Antiquiori Scholæ Magistro insul-
tant, et Panegyrim Apologeticam pro Pecqueto
suscipiunt.

Ita regnat inter Medicos inuidia, vt nulla
supra Medicorum inuidiam inter quosdam ma-
le feriatos eiusdem societatis existat. Quod no-
tatum ab Andrea Lacuna, Lusitano, Tagautij
Discipulo, in Methodo Anatomica, Parisiis, ab
ipso edita anno Domini 1535. vbi, inquit, inter
Medicos tanta dominatur inuidia, tantus liuor,
tantaque libido, quod maximè dolendum est,
quanta non fuerit inter sutores, aut alterius ma-
gis seruilis artis artifices. Id prædixerat Demo-
critius Hippocrati, vt ipse testatur in Epistola ad
Damagetum. Quin valde timeo, neque Medici-