Page 145, Ioannis Riolani Responsiones duæ (1655).
2. Ad Pecquetianos.
les premiers qui ont mis en execution et en pra-
tique ce que ou eux mesmes (comme il est tres-
probable) ou Mentel, ou Gutemberg, ou quel-
que autre auoit trouvé ; et que par consequent,
on pouuoit soustenir auec raison, qu’ils estoient
les premiers Imprimeurs de l’Europe. Pour moy
ie pense, qu’il ne faut pour mettre Jean Fust,
en possession du droit qui luy appartient d’estre
Inuenteur de l’Imprimerie, que produire les pre-
miers Liures, qui ont été imprimez, puisqu’ils
sont tous de son impression : Car il y a bien de
l’apparence, que si d’autres eussent eu meilleure
part que luy, en l’inuention d’vne chose si belle
et si necessaire, ils ne luy auroient pas permis
de se l’attribuer à luy seul, et à son gendre
Scoëffer, comme il a fait quasi en tous les Liures,
qui sont sortis de sa Presse, sans que personne
ait osé faire de mesme, ou le contredire. Et puis
que Salmuth, en son Addition au Chapitre de Ty-
pographia, de Pancirole, n’apporte que quatre
de ces tesmoignages, et que Monsieur Bernard
de Malinkrot, l’un des doctes Polygraphes,
qui soit aujourd’huy en Allemagne, se vante à
bon droit, d’y en auoir adiuousté trois : Ie te veux
bien aduertir, que j’en ay remarqué six autres,
desquels ie ne diray maintenant toutes les dattes,
puis que les Inscriptions en sont trop longues,
pour en auoir chargé ma mémoire, Et aussi que
les ayant communiquez à Naudé, il m’a promis
de les inserer, dans son Addition à l’Histoire de
Louys XI. lors qu’on l’imprimera, {a} et de dire,
qu’il les tient de moy. Or entre ces nouuelles
Epigraphes, la première est celle du Catholicon,
- Sic pour : la r’imprimera (souce citée).
