Page 157, Ioannis Riolani Responsiones duæ (1655). 2. Ad Pecquetianos.
vt vitet largas sanguinis effusiones, aut eas citis-
simè spongiabit ; quæ si præstiterit eleganter, non
indigebit eo vestitu, qui lanij pecudes mactan-
tis speciem redolet. Propterea soleo tunica eadem
sericea talari indutus secare, et demonstrare
Anatomen, qua suggestum ascendo ad docen-
dum. Appositè Soranus, cap. 4. ad nostrum in-
stitutum : Ipsa Natura interdum indoctis, etiam
peritorum tribuit efficaciam : sed ipsa operatio
et ipsius honesta tractatio longè in eo apparet,
qui peritus est, et facile improbat imperitum.
Iamdudum id mihi exprobratum, quod Lanie-
nam exercerem, dum propriis manibus secarem
cadauera, dum me Chirurgi partes obire dice-
bant, cui ex officio incumbit, Anatomen admi-
nistrare, atque demonstrare ; sufficere Doctori,
si de rebus Anatomicis ex commentario, et de
re sibi ignota publicè, Physici more concione-
tur. An lanienam et theatricam carnificinam
exercui, dum propriâ manu secui cadauera ?
Fateor quidem hoc opus nostris Discipulis et
auditoribus magis fructuosum fuisse, quàm no-
bis gloriosum. Potéstne Medicus de rebus Ana-
tomicis perfectè disserere, nisi eas oculis dili-
genter contemplatus fuerit, et solerti manu in-
dagauerit ? Vndenam cognitionem et inspe-
ctionem repetet ? an ex pictura inani et fallaci ?
An à Chirurgo, qui tunc Medici Præceptor
erit ? ex cuius ore et manu pendebit, et sapiet ?
Plura leges hac de re, lib. 1. Anthropog. cap. 17.
Nisi manum admouissem operi Anatomico,
non docuissem artem facilem administrandi Ana-
tomem, quam docti Medici et periti Anatomi- |