Commentaires de la Faculté de médecine de Paris
BIU Santé, tome xiii, fo 527 vo
ejus rei fructus vellet cujus Facultas nondum
frueretur : qua de re consulendos esse Patronos.
Interea per majorem Apparitorem ei significandum
esse quid Facultas super tot negotio egisset, ac
censuisset : atque ejus rei curam omnem penes
Decanum fore.
Datum die 25. Octobris, anni 1652. in
Scholis superioribus Medicorum.
Guido Patin Decanus.
Die Mercurij, 23. octobris, 1652. consultissimæ
Facultatis Iuris Canonici Decanus, Magister
Philippus de Buisine, et ego pro saluberrima
Facultate Medicinæ Parisiensi, obtinuimus
Senatuconsultum, in Camera quæ dicitur
Vacationum, adversus ordinem Theologorum, qui
intercesserat quominus summam nobis concessam
à Facultate Artium, octingentarum libellarum
Turonensium, pro quatuor Professoribus Med<icin>æ
à Magistro Samuele Dacolle, Academiæ
Quæstore acciperemus.
Die Martis 29. Octobris, 1652. celebra-
tum fuit in Scholis Examen botanicum, pro
quatuor Baccalaureis, Nic. le Lettier, Io.
Brier, Claudio Quartier, et Alano Lami,
