Commentaires de la Faculté de médecine de Paris BIU Santé, tome xiii, fo 545 vo.
pauperibus hujus Urbis, quæ Magistro Guidoni
Patin, Medicæ Facultatis Decano tradentur,
deferendæ ad Dominas de Herse, de Traverzé et
de Nesmond, pijssimas mulieres, quæ tales elemo-
synas solent accipere, et ac ejusmodi egentibus
distribuere.
Die Martis, xj. Iunij, Divo Barnabæ
sacra, 1652. celebrata est Parisijs solennis
processio ab æde sacra Divæ Genovesæ ad ædem
beatæ Virginis, pro pace à Deo obtinenda.
Die Mercutij, 12. Iunij, 1652. celebrata est
processio Domini Rectoris extraordinaria, ab æde
sacra Mathurinensium ad ædem sacram Divæ
Genovesæ, maximo hominum Academicorum
conventu.
Die Sabbathi, 7. Iulij, 1652. in comitijs
ordinarijs, decretæ fuerunt emeritis Professoribus,
senibus et inopibus, Goutiere et Dorigni, unicuiq.
trigintæ libellæ : D<omi>no Voullemin, pio Sacerdoti,
antehac nationis Germanicæ Procuratori,
ægro ac inopi, sexaginta libellæ : inepto cuidam
Grassotij, celeberrimo olim in Philosophia Professoris
nomen ementienti, ea lege ut in posterum nihil possit
obtinere, quatuor libellas. Actum quoque fuit de
