Ms BIU Santé n^o 2007, f^o 42 r^o.

Clarissimo viro D. Io. Ant. Vander Linden, egregio Medicæ Profess. in Acad. Leidensi.

Supra modum me afficit diuturnum tuum silentium, vir clariss. An etenim
vivas, an valeas, certè nescio : nec scio an accepis fasciculos illos duos à me
Tibi transmissos ante plures menses, unum per viam D. Angot : alterum ipsi
D. Elzevierio in manibus à me traditum, in quo inter alia continebantur
duo exemplaria varijs Emendationibus illustrata, Corn. Celsi, quorum unum
fuit D. Riolani, quod mihi dono mutuo dedit : alterum D. de la Vigne, ante annos octo
vita functi, Collegæ nostri sapientissimi. Liber tuus Selectorum quandonam
ad nos veniet ? Scribe saltem quid de illo mihi sperandum censeas, cujus exi-
mium gustum dedi viro optimo et Seniori nostro præstantissimo D. Io Riolano,
cujus salutem hîc à me accepies. Totus nunc est, dum illi per valetudinem licet, in
adaugenda et adornanda nova Editione sui Enchiridij Anat. ut et sua Anthropogra-
phia, in qua inter recentiores Anatomicos legent posteri nomen tuum cum elogio et
gratia. Paulo meliùs habuisse videtur ex quo 2 postremo suo libro feliciter et generosè