Ms BIU Santé no 2007, fo 106 vo.
Clar. viro D. Io. Georgio Volcamero, Noribergam.
Suavissimæ tuæ heri acceptæ sic respondeo, sed paucis, Vir Cl. D. Rol-
finckij responsum patienter expectabo : ut et libellos tuos, et Disputationes
à Te collectas : quas mittere poteris Lugdunum, ad Sponium nostrum : vel
rectà Lutetiam, ad D. Nic. Picques : cum quo agam de Cive tuo. Libellos
duos Petri Petiti, de spontaneo animalium motu, et de Lacrymis ad Te mittam :
ut et Henr. Citadini Paradoxum Orthodoxum ; et libenter accipiam Opus
illud cujus meministi, de cura magnetica : ego v. mittam Imagines viro-
rum Illustrium. Mart. Schoockij literas expecto : cujus Opus de Fer-
mentatione nondum exijt in lucem. Ægrè fero viri optimi D. Nicolaï obitum.
Doctissimos viros vestrates saluto, præsertim Dilherrum et Felvingerum :
hujus habeo tandem de ratione ditescendi librum : 8. brevem Commentationem
de Senatoribus, 8. cum Dissertationib. politicis, 8. Quæcumque alia
scripsit, quæ multa esse puto, et qualia sæpe laudantur in ejus Dissertationib.
politicis, utinam per Te habere possem : ut et Cl. Dilherrum, in Cupresso
funerea : pro quib. omne pretium facile refundam. Vale, vir optime, et
me ama. Parisijs, die Jovis, 18. Maij, 1662.
Tuus ex animo Guido Patin.
