Ms BIU Santé no 2007, fo 164 ro.
Cl. viro D. Io. Dan. Horstio, Med. Doctori, Francofurtum.
Binas tuas accepi, Vir Cl. alteram per carissimum Filium, quem
cum gaudio excepi : alteram per D. Ochsium. Filius tuus optimè valet,
publicis meis prælectionibus jam ter interfuit : quib. proximo mense finem
imponam : aliud initium daturus proximo mense Febr. si Deus vires, otium
et valetudinem dederit. Tota hyeme celebrantur hîc multa dissectio-
nes Anatomicæ, tam publicæ quam privatæ : quas videbit Filius tuus ad
satietatem usque, si voluerit : interea studiorum ejus rationem habebo, et libros
quibus indigebit suppeditabo : imò opus, opem et operam, et rem totam polliceor :
idcirco de nulla re anxium Te esse velim. Vive, vale, et me ama. Parisijs,
22. Augusti, 1664.
Tuus ex animo, Guido Patin.
