Ms BIU Santé no 2007, fo 217 ro.
Cl. viro, D. Io. Georgio Volcamero, Med. Doctori, Noribergam.
Duabus tuis respondeo, Vir Cl. Aristotelem Græco-Lat. Gul. du Val, in
fol. optimæ editionis, nempe anni 1619. Tibi transmittendum tradidi D. Nic.
Picques. Nullum à Te fasciculum accepi, nec de eo audivi. Principem tuum
Pium et S. ex tanto vulnere feliciter convaluisse seriò lætor. Nihil
unquam prostat vidi de scriptis Pythagoræ hîc editum, nec quidquam eorum
prostat : memini tamen me vidisse fragmenta quædam in Germania edita,
in 8. et ejus vitam typis mandatam Romæ. Rex noster in Belgio multas
urbes jam recepit, frustra nitentibus Hispanis, et ipso Cæsare, cujus copiæ
nullæ videntur : an morantur in Utopia ? Indica mihi quæso ubinam
sit in Germania vestra, et in qua provincia, Curia Nariscorum ? Cl.
viros saluto, Richterum, Dilherum, Felwingerum, Fabricium, etc. Vale,
et me ama. Parisijs, 4. DecAug. 1667.
Tuus et suus, G.P.
