À Johann Georg Volckamer, le 26 octobre 1667
Transcription

ms BIU Santé 2007, fo 218 vo.

Eidem. Nuper ad Te scripsi, Vir Cl. nempe 21. Oct. et iterum scribo, u[t]
scias me per D. Picques, duos fasciculos accepisse ; in quorum altero inve[ni]
duo exemplaria libri D. Guern. Rolfincij, de medicamentis purgantibus, unum com[pa-]
ctum, alterum incompactum : in altero v. fasciculo, tres Tractatus reperi, Viri Cl. D.
Io. Theod. Schenkij, cum 25. Disp. Medicis : et duab. Thesibus D. Mic[h.]
Dilhero : quæ quidem omnia sunt optima : ideóq. gratias ago amplissimas, e[t]
Tibi, et D. Dilhero : sed dic sodes, indica mihi pretium tot libellorum, q[uod]
refundam D. Picques, Tibi restituendum : mihi enim satis est quod rerum mea[rum]
satagas tam amicè, tantáq. cum benevolentia, sed absque ullo tuo dispendio
debent ista fieri : dic quoque quam agat ætatem Vir Cl. D. Rolfincius,
ut ad eum scribam, eiq. gratias agam pro suo libro Nomini meo inscripto : m[e]
quoque gratissimum feceris, si mihi indicaveris quî me gerere debeam cum ill[o]
qui tam honorificè mecum agit, et mihi tam inscienti quàm indigno, tam erudit[um]
librum consecravit. Rex noster Christianissimus magnum bellum meditatur vere proximo,
tam in Flandria quàm in Italia, et forsan alibi. Viros Cl. saluto, D. Rolfin[cum,]
Io. Theod. Schenkium, Mich. Dilherum, Richterum, Felwingerum, Fab[ri-]
cium, et alios amicos. Lugduni Celtarum currunt sub prælo quædam Phys[iol.]
et Pathol. Cl. Hofmanni : sed quandonam lucem videbunt incertum est, propter
temporum difficultatem. Epistolam Tibi mitto pro D. Rolfincio ; vide quæso ne
pereat, eiq. tutò reddatur. Eruditos illos amicos nostros omnes saluto, præser-
tim D. Dilherum, Richterum et Felwingerum. Vale, Vir Cl. Parisijs,
26. Oct. 1667.

Tuus ut suus Guido Patin.

Imprimer cette note
Citer cette note

x Correspondance complète et autres écrits de Guy Patin, édités par Loïc Capron. – Paris : Bibliothèque interuniversitaire de santé, 2018. – À Johann Georg Volckamer, le 26 octobre 1667. Note s

Adresse permanente : //www.biusante.parisdescartes.fr/patin/?do=pg&let=1472&cln=s

(Consulté le 09.04.2020)

Licence Creative Commons