Laurentii Opera omnia, 4e partie, page {aaa v} ro.
pœniteret uni benevolo ac discere cupienti non profuisse, quàm mil-
le lividis et superbis, hoc laboribus et vigiliis partum beneficium fru-
stra contulisse. Omnia igitur, precor, boni consule, (Benigne Le-
ctor) et amice excipe, ut inde tibi iucunda reddantur et utilia. Quem-
admodum enim nullum est tam plenum beneficium, quod non vellicare
malignitas possit, ita etiam plenum angustum, quod non bonus inter-
pres extendat. Non dubito quin boni, quantuliscumque iis labori-
bus nostris faveant, et iis quæ fortè ipsis minùs probata videbuntur,
sua sponte veniam daturi sint, cùm omnibus placere, nulli hactenus
sub Sole concessum fuerit ? Neque tamen velim hæc, à me ad va-
nam aliquam, ut plerique solent, ostentationem, sed in publicum
commodum facta esse existimes, eóque animo exposita, ut si fel-
citer recepta deprehendantur, tuóque calculo comprobentur, animum
ad maiora sumam utilitati publicæ perpetuo consecranda. Vale Amice
Lector, et Patinum tuum amare perge.
