À Johannes Antonides Vander Linden, le 24 janvier 1664
Transcription

Ms BIU Santé no 2007, fo 162 ro.

Clar. viro D. Io. Ant. Vander Linden, Leidam.

Salve pro novo anno, Vir Cl. cum tota tua familia. Nuper ad me
scripsit D. Vorstius, se Tibi nomine meo redditurum, Theophrastum Casp.
Hofmanni :
quod jam fortasse præstitit. Filius tuus Henricus optimè valet :
ne quidquam metuas velim pro illo, nulla pecunia carebit : adhuc multa
mihi superest. Cl. Viri D. Ant. Deusingij librum quem ad me misisti per
D. Leschassier, Sen. Paris. pene totum percurri, legique cum fructu [et]
gaudio : quum scribes ad illum, gratum mihi facies, si tantum Virum,
tam generosum, ac eruditum, tantáque vi mentis præditum, nomine meo
salutaveris : multa ejus scripta hîc habeo : inter quæ unum est in quo etiam
me nominatum voluit : ideóque gratias summas illi ago. De rebus publi-
cis, de Fuqueto, de Papa, de alijs ærarij regij hirundibus, nihil habemus
novi : multus miles conscribitur atque colligitur, in Italiam mittendus
vere novo, licet contra quem non dicatur à quoquam : sed tamen agitur de
Rege cum multo comitatu ituro Lugdunum ad Ararim. Christina
Sabaudiæ Ducis Parens,
Regis nostri amita, Taurini obijt ex diaphthora
et hydero pulmonis : imò obijt ex senio, quod est natura sua ανιατον, propter
annos præteritos. Vale, Vir Cl. et me ama. Parisijs, die Veneris, 24.
Ianuarij, 1664.

Tuus ex animo, Guido Patin.

Imprimer cette note
Citer cette note

x Correspondance complète et autres écrits de Guy Patin, édités par Loïc Capron. – Paris : Bibliothèque interuniversitaire de santé, 2018. – À Johannes Antonides Vander Linden, le 24 janvier 1664. Note s

Adresse permanente : https://www.biusante.parisdescartes.fr/patin/?do=pg&let=1310&cln=s

(Consulté le 04.10.2022)

Licence Creative Commons